Իսրայելի վարչապետ Բենիամին Նեթանյահուն ժամանել է Սպիտակ տուն, որտեղ նրան դիմավորել է նախագահ Դոնալդ Թրամփը։ Սա Նեթանյահուի 4-րդ այցն է Սպիտակ տուն՝ Թրամփի 2-րդ ժամկետի սկզբից ի վեր։
Կողմերը նախատեսում են քննարկել Գազայի հրադադարի և պատանդների ազատ արձակման վերաբերյալ համաձայնագիրը։
Նախագահ Թրամփը վստահություն է հայտնել, որ խաղաղություն կարող է արագ հաստատվել։
Թրամփը լավատեսորեն է տրամադրված Մերձավոր Արևելքում կարգավորման հարցում և աշխատում է ապահովել Գազայի խաղաղության ծրագրի իրականացումը։
Սակայն, իսրայելական աղբյուրների փոխանցմամբ, Նեթանյահուն կարող է ներկայացնել վերապահումներ և փոփոխություններ պահանջել ծրագրում։
