Թեպետ աշունը թե՛ օրացույցով, թե՛ ջերմաստիճանով լիովին ուժի մեջ է, սակայն ջրամատակարարման և ջրահեռացման համակարգում շինաշխատանքները չեն դադարում: «Վեոլիա Ջուր» ընկերությունն այս տարվա պարտադիր կապիտալ, բայց չնախատեսված աշխատանքների ծրագրի շրջանակում, շարունակում է մայրաքաղաքի մի շարք հասցեներում մաշված ու քայքայված կոյուղագծերի նորով փոխարինման աշխատանքները:
Բաշինջաղյան 187 ու Քաջազնունի 1 հասցեներում աշխատանքների ավարտից հետո ընկերության կապալառու կազմակերպությունը աշխատանքները սկսել է արդեն նույն ծրագրի 3-րդ հասցեում. վերակառուցում է Հալաբյան 25, 21, Էստոնական 3, 5 շենքերը սպասարկող կոյուղագիծը: Ծրագրի իրականացման համար ներդրվել է մոտ 64 մլն դրամ։
