Ընդլայնել թռիչքների աշխարհագրությունը՝ միաժամանակ լուծելով դեպի Գյումրի չվերթերի խնդիրը․ «Ռադիոլուրի» հետ զրույցում տարածքային կառավարման ու ենթակառուցվածքների նախարարի տեղակալ Արմեն Սիմոնյանն այսպես է հիմնավորել կառավարության հաստատած Հայաստանի Հանրապետության օդային ճանապարհով իրականացվող ուղևորափոխադրումների զարգացմանն ուղղված աջակցության ծրագրի անհարժեշտությունը։
Սիմոնյանի խոսքով՝ Շիրակ օդանավակայանում գրեթե ամեն օր 1 ավիաընկերություն է թռիչք իրականացնում` շաբաթական 5 կամ 6 անգամ։ Դա ռուսական «Պոբեդա» ընկերությունն է։ Հաստատված ծրագրով, թե՛ տեղական ավիաընկերությունները, և թե՛ այն ավիաընկերությունները, որոնք ցանկություն կհայտնեն, օրինակ, բազավորվել Հայաստանի Հանրապետության միջազգային օդանավակայաններից որևէ մեկում, աջակցություն ստանալու նման հնարավորություն ունեն։ Իհարկե պետք է համապատասխանեն ծրագրի չափանիշներին ու ժամկետերը բաց չթողնեն։ Պարտադիր պայման է Գյումրիից մեկ չվերթ իրականացնելը։
Արմեն Սիմոնյանը անդրադարձել է նաև տեղական ավիափոխադրող մի քանի ընկերության՝ ծրագրի շուրջ ունեցած մտահոգություններին։
