ԱՄՆ նախագահ Դոնալդ Թրամփը ստորագրել է գործադիր հրամանագիր, որով երկրի Պաշտպանության նախարարությունն անվանափոխել է Պատերազմի նախարարություն:
«Կարծում եմ, որ սա հաղթանակի և ուժի ուղերձ է հղում»,-Օվալաձև աշխատասենյակում լրագրողներին ասել է Սպիտակ տան ղեկավարը:
Նրա խոսքով, նման անվանումն ավելի տեղին է՝ հաշվի առնելով աշխարհում ստեղծված իրավիճակը:
Պաշտպանության նախարարությունը նոր անվանումը կօգտագործի որպես երկրորդական անուն, իսկ պաշտպանության նախարար Փիթ Հեգսեթը կկոչվի պատերազմի նախարար։
Պենտագոնը պատերազմի նախարարության իրավահաջորդն է։ Վերջինս ստեղծվել էր որպես նախարարություն դեռևս 1789 թվականին և գործել մինչև 1947 թվականը։
