Օպերայի և բալետի թատրոնի տանիքը ծխով է պատված։ Մարդիկ տարհանվում են, փրկարարները՝ անցնում գործի։
Տասնյակ գործողություններ տեղի են ունենում միաժամանակ, հայացքով անգամ հնարավոր չէ հետևել՝ ով ինչ է անում։
Փրկարարների մի խումբն օգնում է այրվող մեքենայում մնացածներին, մյուսը՝ հանգցնում հրդեհը, մեկ ուրիշը՝ հենց տանիքից պարանով իջեցնում է վիրավորներին։
Սա միայն ցուցադրական գործողություն է, որը տեղի է ունենում փրկարարների օրվա կապակցությամբ։ Այսպես մարդիկ կարող են խաղաղ պայմաններում տեսնել՝ ինչ են անում փրկարարներն այն պահին, երբ վրա է հասնում վտանգը։ Նրանք այնտեղ են՝ վտանգի հենց կենտրոնում, դրա հետ կռիվ տալու ու չեզոքացնելու անզիջում որոշմամբ։
