Քաղաքացիները վարորդական վկայականի տեսական քննությունը կարող են այսուհետ հանձնել հաշվառման մի բաժնում, իսկ գործնականը՝ այլ։ Կառավարության այսօրվա նիստում գործադիրը համապատասխան փոփոխություններ է կատարել քննությունների կարգում։
Ներքին գործերի նախարար Արփինե Սարգսյանը նշել է, որ գործող կարգը ճկուն չէ, իսկ կատարված փոփոխությունները կնպաստեն նաեւ քննական ստորաբաժանումների ծանրաբեռնվածության հավասար բաշխմանը և հերթերի կրճատմանը։
«Քաղաքացիները կարող են ազատորեն մուտք գործել հարթակ, տեսնել, թե որ օրն է հասանելի, և եթե, պայմանականորեն, տեսական քննությունը հանձնել են Երևանում, իսկ մոտակա օր հասանելի է Շիրակի մարզում, ապա կարող են գրանցվել և հանձնել գործնական քննությունը այդ մարզում»,- ասել է նախարարը։
