Գերմանիայում ՏԻՄ նախընտրական քարոզարաշվի ընթացքում մեծ քանակի թեկնածուներ են մահանում

Գերմանիայում ՏԻՄ ընտրություններից երկու շաբաթ առաջ Հյուսիսային Հռենոս-Վեսթֆալիա երկրամասում արդեն մահացել է «Այլընտրանք Գերմանիայի համար» աջ արմատական կուսակցության վեց թեկնածու։ Սա սոցցանցերի օգտատերերին կասկածելի է թվում։

Ներքին գործերի նախարարությունը հայտնել է, որ քարոզարշավի ընթացքում մահացել են նաեւ «կանաչների» եւ սոցիալ-դեմոկրատների թեկնածուներ եւս։  Ոստիկանության համար այս մահերը կասկածելի չեն, ուղղակի կառույցը հայտարարում է, որ նման իրավիճակներում ստիպված են նոր քվեաթերթիկներ տպել։

Ընտրությունները տեղի կունենան սեպտեմբերի 14-ին։  Հյուսիսային Հռենոս-Վեսթֆալիայում ապրող 18 մլն քաղաքացիներն ընտրություն են կատարելու 20 հազար թեկնածուներից։

BBC-ին նշում է, որ քաղաքական գործիչների շրջանում մահերի մեծ քանակը մարդկանց կասկածելի է թվում եւ սոցիալական ցանցերում բուռն քննարկումների տեղիք տալիս։