2025-ին Հայաստանում պետական բյուջեի միջոցներով 510 կմ ճանապարհ է կառուցվել, ևս 210 կմ կառուցվել է սուբվենցիոն ծրագրերով, «Հարցնում է քաղաքացին» հաղորդաշարի ժամանակ հայտարարել է ՏԿԵ նախարար Դավիթ Խուդաթյանը։
Նա նաև տեղեկացրել է, որ ընթացքի մեջ են Հյուսիս- հարավ ճանապարհային միջանցքի կառուցման աշխատանքները։
Քաջարանի թունելի կառուցման մրցույթն ամփոփման փուլում է՝ հայտարարել է ՏԿԵ նախարարը։ Դավիթ Խուդաթյանը նշել է, որ թունելի երկարությունը 8 կմ է։
Բարգուշատի թունելի կառուցմանը վերաբերող բանակցությունները նույնպես մոտենում են ավարտին, ասել է նախարարն ու հույս հայտնել, որ 2026թ․-ին դրա շինարարությունը կսկսվի։ Թունելները նոր որակ կհաղորդեն Հայաստանի ճանապարհային ցանցին, ասել է Խուդաթյանը։
