Ճապոնիան ձեռնոց է նետում Չինաստանին` Աֆրիկայում տնտեսական հսկայական գոտի ստեղծելու միջոցով

Ճապոնիայի վարչապետ Սիգերու Իսիբան Աֆրիկայի զարգացման Տոկիոյի համաժողովում կոչ է արել Հնդկական օվկիասնոսն ու Աֆրիկան ներառող տնտեսական գոտի ստեղծել։

Յոկոհամա նախօրեին բացված համաժողովում նա ճապոնական ընկերություններին դիրքավորել է որպես Աֆրիկայում առանցքային խաղացողներ, հայտնում է RFI-ն։

«Մենք կամրապնդենք մասնավոր հատվածի ներդրումները կառավարության եւ ճապոնական գործարար համայնքի միջեւ համագործակցության միջոցով։ Արագացված աճի կարելի է հասնել ինչպես ներտարածաշրջանային, այնպես էլ տարածաշրջանների միջեւ կապերի ամրապնդման միջոցով։ Հնդկական օվկիանոսն ու Աֆրիկան ներառող գոտու ստեղծումը կնպաստի տարածաշրջանային ինտեգրացիային եւ աֆրիկյան աշխարհամասի զարգացմանը»,- ասել է նա։

Նա միաժամանակ կոչ է արել Հնդկաստանում եւ Մերձավոր Արեւելքում ճապոնական ընկերություններին եւ դուստր ձեռնարկություններին ավելացնել ներդրումները, որպեսզի նվազեցվի Աֆրիկայի կախվածությունը Չինաստանից։