Երևանի քաղաքապետարանը «Հոգեկան առողջության իրազեկման նախաձեռնություն» ՀԿ-ի հետ միասին իրականացնում է «Հուզական աջակցության թեժ գիծ» ծրագիրը, հայտնում են Երևանի քաղաքապետարանից:
«Ո՞ւմ հետ ես վերջին անգամ խոսել այն ամենի մասին, ինչ քեզ անհանգստացնում է։ Այսուհետ կա նման հնարավորություն. անվճար, հուսալի և կոնֆիդենցիալ»,–հայտնել են քաղաքապետարանից:
Հեռախոսահամարը՝ 0800 00 900
Երկուշաբթիից ուրբաթ՝ 09:00–18:00
«Հուզական աջակցության թեժ գծի մասնագետները կլսեն առանց քննադատության, կտրամադրեն հուզական և հոգեբանական աջակցություն, և անհրաժեշտության դեպքում կօգնեն գտնել հավելյալ ծառայություններ Ձեր բարեկեցությունն ապահովելու համար»,–տեղեկացրել են Երևանի քաղաքապետարանից:
