Օգոստոսի 5-ին՝ Ազգային երիտասարդական երկրորդ համաժողովի առաջին օրը, որն անցնում է «Ընդհանուր տեսլական և ջանքերի համադրում» խորագրի ներքո, անցկացվել է «Խոսում ենք հայերեն․ ընդհանրություններ և տարբերություններ» ինտերակտիվ քննարկումը, որի շրջանակում բանախոսներն անդրադարձել են հայերենի բազմաձևությանը՝ արևելահայերենից մինչև արևմտահայերեն, քննարկել հայոց լեզվի պահպանմանն ու զարգացմանը վերաբերող հարցեր, հայտնում են Սփյուռքի գլխավոր հանձնակատարի գրասենյակից։
Նիստի բանախոսներն են եղել՝ Իրանում սփյուռքի երիտասարդ դեսպան Էջմին Հաթամեանը, հումորիստ, արտիստ և դաշնակահար Կև Օրկիյանը, հումորիստ Արման «Antic» Մարգարյանը և ինֆլյուենսեր Անելկա Հաջարը։
Քննարկումը վարել է արևմտահայերենի ուսուցիչ, ինֆլյուենսեր Արփէն Չինարը։
