Հնդկաստանի արտգործնախարարությունը քննադատել է ԱՄՆ-ին ու Եվրամիությանը՝ Ռուսաստանի հետ առեւտուր անելու մեջ ԱՄՆ նախագահ Դոնալդ Թրամփի` Դելիից ռուսական նավթ գնելուց հրաժարվելու պահանջին ի պատասխան։
Նախարարությունը նշել է, որ Հնդկաստանը ռուսական էներգակիրներ սկսել է գնել, երբ Ուկրաինայում լայնամասշտաբ պատերազմի մեկնարկից հետո ավանդական մատակարարներն իրենց նավթն ուղղեցին դեպի Եվրոպա։ Այդ ժամանակ, ըստ Հնդկաստանի ԱԳՆ-ի, ԱՄՆ-ն «ակտիվորեն խրախուսում էր» այդ գնումները՝ գլոբալ շուկաների կայունության ապահովման նպատակով։
Հնդկաստանի ԱԳՆ-ը նաեւ ընդգծել է, որ ԱՄՆ-ի եւ Եվրամիության առեւտրաշրջանառությունը Ռուսաստանի հետ զգալիորեն գերազանցում է Հնդկաստան-Ռուսաստան առեւտրի ծավալները։
«Հատկանշական է, որ այն երկրները, որոնք քննադատում են Հնդկաստանին, իրենք էլ շարունակում են առեւտուրը Ռուսաստանի հետ։ Ի տարբերություն մեզ՝ նրանց առեւտուրը չի պայմանավորված կենսական ազգային անհրաժեշտությամբ»,- նշել է Հնդկաստանի արտաքին քաղաքական գերատեսչությունը։
Ավելի վաղ ԱՄՆ նախագահ Դոնալդ Թրամփն սպառնացել էր պատժել Հնդկաստանին, եթե նրա գործարանները շարունակեն արեւմտյան պատժամիջոցների տակ հայտնված Ռուսաստանից էժան նավթ գնել։
Սա առաջին դեպքը չէ, որ Թրամփը քննադատում է աշխարհի ամենամեծ ժողովրդավարական երկիրն ու զարգացող աշխարհում Չինաստանի գլխավոր հակառակորդն է։
«Հնդկաստանը ոչ միայն զանգվածաբար գնում է ռուսական նավթ, այլեւս դրա զգալի մասն ավելին վերավաճառում է բաց շուկայում՝ ստանալով հսկայական եկամուտներ։ Նրանց չի հետաքրքրում, թե որքան մարդ է զոհվում Ուկրաինայում Ռուսաստանի ռազմական մեքենայի պատճառով»,- Truth Social-ում գրել էր Թրամփը։
