Օգոստոսը կշարունակի ընթանալ առանց եղանակային կտրուկ փոփոխությունների․ առաջին տասնօրյակը կրկին շոգ է լինելու։ Այս տարվա ջերմային պիկը գրանցվել է օգոստոսի 2-ին, երբ Երևանում ջերմաստիճանը հասավ 41.9 աստիճանի` գերազանցելով տվյալ օրվա՝ 2000 թվականին դիտված ռեկորդային 40.8 աստիճանը։ Այդ օրն Արենիի հատվածում գրանցվեց մինչև 42.6 աստիճան տաքություն։ Հայաստանում ավելի շոգ օրեր ևս եղել են․ 2011-ի հուլիսի 31-ին Մեղրիի հատվածում ջերմաստիճանը հասել էր 43.7 աստիճանի, իսկ Երևանում 2018-ի հուլիսի 12-ին 42.4 աստիճան էր։
Պատմական առավելագույնները չեն գերազանցվի, բայց աշխարհը կշարունակի շոգել։
