Կիեւն առաջարկում է մինչեւ օգոստոսի վերջը կազմակերպել Պուտին-Զելենսկի հանդիպում, Ստամբուլում ռուս-ուկրաինական բանակցություններից հետո հայտարարել է Ուկրաինայի պատվիրակության ղեկավար Ռուստեմ Ումերովը։
«Մենք պատրաստ էինք այդ հանդիպմանը դեռ երեկ։ Պատրաստ ենք այսօր և պատրաստ կլինենք վաղը։ Նման հանդիպումը կարող է իրական քաղաքական առաջընթացի բանալի լինել։ Ռուսաստանը պետք է ցույց տա իր պատրաստակամությունը»,- ասել է նա։
