Իրանի նախագահ Մասուդ Փեզիշքիանը «Ալ Ջազիրա»-ին տված հարցազրույցում հայտարարել է, որ Իրանի միջուկային ծրագրի շուրջ բանակցությունները պետք է լինեն փոխշահավետ, իսկ ծրագրից հրաժարումը պատրանք է։
«Իրանը պատերազմ չի ուզում, բայց չի կարծում, որ հրադադարը վերջնական է։ Իրանը ողջ ուժով պետք է իրեն պաշտպանի։ Իրանը չի հանձնվել եւ չի հանձնվի։ Մենք դիվանագիտության եւ երկխոսության կողմնակից ենք»,- ասել է նախագահը։
Անդրադառնալով նախագահ Դոնալդ Թրամփի հայտարարություններին, որ միջուկային օբյեկտներին ԱՄՆ հարվածները վերջ են տվել Իրանի միջուկային ծրագրին՝ Փեզեշքիանը դա մոլորություն է որակել։
«Մեր միջուկային կարողությունը մեր գիտնականների գլխում է, այլ ոչ թե միջուկային օբյեկտներում»,- ասել է նա։
Տես նաեւ՝ Թրամփը պատրաստ է «անհրաժեշտության դեպքում» կրկին հարվածել Իրանին
