Ուկրաինայի վարչապետ Դենիս Շմիգալը երեքշաբթի օրը հայտարարել է, որ հրաժարականի դիմում է ներկայացրել։ Շմիգալը պաշտոնանկ է արվել կառավարության կազմում լայնածավալ փոխատեղումների շրջանակներում։
Երկուշաբթի օրը նախագահ Վոլոդիմիր Զելենսկին Շմիգալի փոխարեն առաջադրել է առաջին փոխվարչապետ Յուլիա Սվիրիդենկոյին։ Սվիրիդենկոն, որը նաև էկոնոմիկայի նախարարն է, Զելենսկու մտերիմ և վաղեմի դաշնակիցն է։
2020 թվականի մարտից պաշտոնը զբաղեցրած Շմիգալին Զելենսկին նախատեսում է նշանակել Ուկրաինայի պաշտպանության նախարարի պաշտոնում։
