ՀԱՊԿ արտաքին գործերի նախարարների խորհրդի նիստում կողմերը լուրջ մտահոգություն են հայտնել Հայաստանի Հանրապետությունում տեղի ունեցողի վերաբերյալ:
Հայ Առաքելական Եկեղեցու շուրջ հակամարտությունը պետք է լուծվի. Ռուսաստանի Դաշնությունը շահագրգռված է, որ այն չենթարկվի անհիմն հարձակումների, լրագրողներին ասել է Ռուսաստանի արտաքին գործերի նախարար Սերգեյ Լավրովը Հավաքական անվտանգության պայմանագրի կազմակերպության (ՀԱՊԿ) արտաքին գործերի նախարարների խորհրդի նիստից հետո։
«Քննարկվել է թեման, լուրջ մտահոգություններ են հայտնվել Հայաստանի Հանրապետության ներսում տեղի ունեցողի վերաբերյալ։ Ակնհայտ է, որ սա մեր հարևանների ներքին հարց է, բայց, իհարկե, կանոնիկ, հազարամյա Հայ Առաքելական Եկեղեցու վրա հարձակումները մեծ մտահոգություն են առաջացնում», — ասել է նախարարը։
Նա նշել է, որ հայ հասարակության մեջ «եկեղեցու պաշտպանության շարժումը շատ, շատ լուրջ է»։ «Այն հիմնված է այն խորը ավանդույթների վրա, որոնք ուղղափառությունն ունի Հայաստանում», — նշել է նախարարը։
ՀԱՊԿ ԱԳ նախարարների խորհրդի նիստին Հայաստանի արտգործնախարար Արարատ Միրզոյանը չի մասնակցում։ Հայաստանը սառեցրել է իր մասնակցությունը կառույցին։
2022 թ. սեպտեմբերին Հայաստանի վրա Ադրբեջանի հարձակումից հետո ՀԱՊԿ-ն պատշաճ չարձագանքեց կազմակերպության անդամներից մեկի վրա ագրեսիային, որից հետո Հայաստանը հայտարարեց, որ սառեցնում է իր մասնակցությունը կառույցին։
ՀԱՊԿ-ն մինչեւ հիմա 2022 թ. ադրբեջանական ագրեսիային համարժեք չի արձագանքում։
