Շախմատի միջազգային ֆեդերացիան վերջին արդյունքների հիման վրա հրապարակել է շախմատիստների վարկանիշային աղյուսակը: Ցավոք` այդ աղյուսակում նահանջ է ապրել հայկական շախմատի առաջատար Լևոն Արոնյանը: Նախորդ 2-րդ հորիզոնականից նա նահանջել է և այժմ 2793 միավորով 5-րդ հորիզոնականում է:
Առաջին տեղում 2863 միավորով աշխարհի չեմպիոն նորվեգացի Մագնուս Կարլսենն է: Երկրորդում իտալացի Ֆաբիանո Կարուանան է, իսկ լավագույն եռյակը եզրափակում է Բուլղարիան ներկայացնող Վեսելին Թոփալովն է։
