ԱՄՆ-ի Կոլորադո նահանգում՝ Բոուլդեր քաղաքում մի տղամարդ` «Ազատություն Պաղեստինին» գոռալով, դյուրավառ հեղուկով շշեր է նետել Գազայում իսրայելցի պատանդների աջակցության երթի մասնակիցների վրա, գրում է BBC-ին։
6 մարդ այրվածքներ է ստացել: Հետաքննությունների դաշնային բյուրոն (ՀԴԲ) հրապարակել է ձերբակալվածի անունը` հայտարարելով, որ այս հանցագործությունը դիտարկում է որպես կասկածելի ահաբեկչական հարձակում:
ՀԴԲ-ի հատուկ գործակալ Մարկ Միխալեկը մամուլի ասուլիսում հայտարարել է, որ ձերբակալված Մոհամմեդ Սաբրի Սոլիմանը 45 տարեկան է:
Բոուլդերի ոստիկանապետ Սթիվեն Ռեդֆերնը լրագրողներին հայտնել է, որ տուժածներից մի քանիսը լուրջ այրվածքներ են ստացել: Նրանք հոսպիտալացվել են:
Տուժածների տարիքը տատանվում է 67-ից մինչև 88 տարեկան:
Հետաքննությունների դաշնային բյուրոյիի տնօրեն Քեշ Պատելն անմիջապես հայտարարել է, որ սա նպատակային ահաբեկչական հարձակում է, սակայն Ռեդֆերնը լրագրողներին ասել է, որ դեռ վաղ է խոսել ձերբակալվածի դրդապատճառների մասին:
Մարկ Միխալեկի խոսքով՝ Սոլիմանը գոռացել է «Ազատ Պաղեստին», երբ երթի տարեց մասնակիցների վրա նետել է դյուրավառ հեղուկով շշեր:
