Ֆրանսիայի հարավում էլեկտրաէներգիայի զանգվածային անջատման պատասխանատվությունը ստանձնել են անարխիստները

Անարխիստները ստանձնել են Ֆրանսիական Ռիվիերայում տեղի ունեցած զանգվածային էլեկտրաէներգիայի անջատումների պատասխանատվությունը, մայիսի 25-ին հայտնել է BFMTV մեդիա ընկերությունը՝ հղում անելով անանուն հայտարարությանը, որը ներկայացվել է Ֆրանսիայի Գրաս և Դրագենյան շրջանների դատախազություն։

Հայտարարությունը հրապարակվել է մայիսի 25-ին ծայրահեղ ձախակողմյան ակտիվիստների կողմից կառավարվող կայքում։

Այնտեղ հեղինակները ներկայանում են որպես «անարխիստների երկու խումբ», որոնք ստանձնում են «Կոտ դ’Ազուրում էլեկտրաէներգիայի մատակարարման օբյեկտների վրա հարձակման» պատասխանատվությունը։

«Կաննի կինոփառատոնի մրցանակաբաշխության և գալա երեկոյի նախօրեին մենք անջատեցինք Կաննի ագլոմերացիան սնուցող գլխավոր ենթակայանը և կտրեցինք Նիցայից եկող 225 կՎ լարման էլեկտրահաղորդման գիծը», — ասվում է հայտարարության մեջ։

Հեղինակները հավելել են, որ «իրենց գաղափարները պաշտպանելու համար» նրանք ցանկանում էին առանց էլեկտրաէներգիայի թողնել հետազոտական ​​կենտրոնները, ավիացիոն և աէրոտիեզերական ընկերությունները, ստարտափները, օդանավակայանը և տարածաշրջանի այլ արդյունաբերական, ռազմական և տեխնոլոգիական օբյեկտները։

Հայտարարության իսկությունը դեռևս հաստատված չէ։