Դատավորը ժամանակավորապես արգելել է Հարվարդում օտարերկրյա ուսանողների ընդունելությունը չեղարկելու Թրամփի ծրագիրը

ԱՄՆ դատավորը ուրբաթ օրը ժամանակավորապես արգելել է չեղարկել Հարվարդի համալսարանում օտարերկրյա ուսանողների ընդունելության ԱՄՆ նախագահի հրամանը, գրում է Reuters-ը։

Համալսարանն այս քայլը որակել էր որպես ակադեմիական ազատության և ԱՄՆ Սահմանադրությամբ երաշխավորված խոսքի ազատության խախտում։

Հարվարդը նշել է, որ ծրագիրը կազդի ավելի քան 7000 միջազգային ուսանողների վրա և կխաթարի իր ակադեմիական գործունեությունը։ Դատական հայցում նշվել է՝ «Առանց իր միջազգային ուսանողների, Հարվարդը Հարվարդ չէ»։

Թրամփի վարչակազմը կարող է բողոքարկել ԱՄՆ շրջանային դատավոր Ալիսոն Բերոուզի որոշումը:

Սպիտակ տան խոսնակ Աբիգեյլ Ջեքսոնը դատական որոշումը որակել է որպես անհիմն միջամտություն ներգաղթի և ազգային անվտանգության քաղաքականությանը։

Ներքին անվտանգության նախարար Քրիստի Նոեմը, առանց ապացույցներ ներկայացնելու, Հարվարդին մեղադրել է հակասեմականություն խրախուսելու և Չինաստանի հետ կապեր ունենալու մեջ։

Հարվարդը շարունակելու է պայքարել իր ուսանողների իրավունքների և ակադեմիական անկախության պաշտպանության համար։