Եվրոպական քաղաքական համայնքի 8-րդ գագաթնաժողովը տեղի կունենա Հայաստանում 2026 թվականի գարնանը, տեղեկացնում է ՀՀ վարչապետ Նիկոլ Փաշինյանը:
«Պատիվ է Եվրոպական քաղաքական համայնքի առաջնորդներին ընդունել մեր երկրում և շնորհակալություն եմ հայտնում բոլոր առաջնորդներին՝ այս որոշմանն աջակցելու համար»,- գրել է վարչապետը։
Thrilled to announce #Armenia will host the #EPC Summit in spring 2026.
— Nikol Pashinyan (@NikolPashinyan) May 23, 2025
Grateful to all EPC leaders for supporting this important decision. Looking forward to hosting my colleagues in Yerevan.
«Եվրոպական քաղաքական համայնքի» առաջին գագաթնաժողովը տեղի է ունեցել 2022 թվականի հոկտեմբերի 6-ին Պրագայում։
2022 թվականի մայիսի 9-ին Ֆրանսիայի նախագահ Էմանուել Մակրոնը առաջարկել էր ստեղծել նոր քաղաքական միություն, որում կարող են ընդգրկվել ԵՄ-ից դուրս գտնվող երկրները։ 2022 թվականի հունիսի վերջին Եվրամիության պետությունների եւ կառավարությունների ղեկավարները Բրյուսելում կայացած գագաթնաժողովում քննարկել էին Մակրոնի առաջարկը եւ պայմանավորվել էին առաջ տանել այն։
