Սեպտեմբերին ԱՄՆ Հայ դատը «ռազմավարական» հավաք է նախապատրաստում

Ամերիկայի Հայ դատի արեւելյան եւ արեւմտյան շրջանների հանձնախմբերը Վաշինգտոնում սեպտեմբերի 15-16-ին անցկացնելու են «Պաշտպանների օրեր»`  համախմբելով ամերիկահայ ակտիվիստներին՝ ռազմավարական քաղաքականության օրակարգն առաջ մղելու համար։

Օրակարգում Արցախի բնիկ հայ բնակչության նկատմամբ իրականացված ցեղասպանության համար Ադրբեջանին պատասխանատվության ենթարկելու, արցախահայության վերադարձի իրավունքի միջազգային ջանքերին աջակցության, Բաքվում պահվող հայ քաղբանտարկյալների և պատանդների անհապաղ ազատ արձակման, ինչպես նաև բռնի տեղահանվածներին ամերիկյան օգնությունը ավելացնելու հարցերն են։