2017 թուականին Շողեր բացած է ThingsUnique արուեստի պատկերասրահը Պըրպէնքի մէջ, որտեղ կը վաճառուին արուեստի առարկաներ, կահոյք եւ զարդեր։ ThingsUnique-ը ունի նաև արուեստի ցուցահանդէսներ, երաժշտական երեկոներ, գինիի համտեսներ եւ այլն:
«Կ՛ուզեմ իմ անկեղծ երախտագիտութիւնս յայտնել իմ բոլոր ուսուցիչներուս, որոնք զիս ոգեշնչած են եւ օգնած՝ զարգացնելու այն հմտութիւնները, որոնք ես այժմ ունիմ»,- կ՛ըսէ ան Հանրային Ռատիոյին։
Շողեր Պաղտուտ-Թիլքեան ծնած է Սուրիոյ Քեսապ քաղաքի աւանդական հայկական համայնքին մէջ։ Շողերին ծնողները, երկուքն ալ ուսուցիչներ՝ զարմացած էին անոր բնական գեղարուեստական տաղանդով:
Ան կրնար արուեստի գործեր ստեղծել ամէն ինչէն: Շողերի սէրը դէպի արուեստը պատճառ դարձաւ, որ ան տարուեցաւ ճարտարապետութեամբ, 17 տարեկանին հեռացաւ տունէն ՝ ուսանելու Հայաստանի մէջ:
«Քու տեղդ Հայաստան է, աղջիկս»,- ըսած էր հայրը։
Ամերիկայի մէջ Շողեր բազմաթիւ միջոցառումներու մասնակցած է, հայկական արուեստ եւ ճարտարապետութիւն դասաւանդած է Լոս Անճելըսի մի քանի հայկական դպրոցներուն մէջ:
Ան մշակած է արուեստի իւրայատուկ ձեւ ՝ օգտագործելով ծաղկաթերթեր ՝ իր գեղարուեստական փորձառութիւններէն բարձր մանրամասն քոլաժներ ստեղծելու համար: Շողեր իւրացուցած է նաեւ արուեստի այլ ձեւեր, ինչպիսիք են խեցեգործութիւնը, հիւսելը եւ վերամշակուած տարրերէն խճանկարը, որը թոյլ կու տայ անոր կիրառել ճարտարապետական հասկացութիւններ եռաչափ պատկերներ ստեղծելով:
Պեւըրլի Հիլզի մէջ երկու անգամ ցուցահանդէս տուած է Շողեր, իսկ Մալիպուի ցուցահանդէսի մասին գրած է Malibu life թերթը։
«Քեսապը, Հայաստանը ինծի շունչ տուին։ Մինչեւ այսօր իմ ամբողջ այս եռանդս Երեւանէն ու Քեսապէն է, պիտի շարունակեմ ապրիլ այդ շունչով»,- կ՛ըսէ արուեստագէտ մեր ընկերուհին։
Հայրենիքը Շողերի մէջ կ՛ապրի ու պիտի ապրի, իսկ ապագան կը պատկանի անոնց, որոնք կը հաւատան իրենց երազանքներու գեղեցկութեան։
