«Մենք ենք արջերի տարածքում»․ Եղեգիսում մեղմում են մարդ-արջ կոնֆլիկտը

Վայրի բնության և մշակության արժեքների պահպանման հիմնադրամի տվյալներով՝ 2023-ին արջերը բնակավայրեր են մտել 108 անգամ, 2024-ին՝ 83։ Մարդու և վայրի կենդանիների միջև հակասությունը մեղմելու համար հիմնադրամը Վայոց ձորի Եղեգիս գյուղում մեղվաբուծության հատուկ դասընթացներ է կազմակերպել։ Գյուղի 150 սկսնակ մեղավապահներից 30-ը 500․000 դրամի բարձրորակ գույք են ստացել։ Նրանցից շատերը արջերի հարձակումների պատճառով զրկվել են իրենց փեթակներից։