Ռուսաստանի արտաքին գործերի նախարարության խոսնակ Մարիա Զախարովան հայտարարել է, որ նախագահ Վլադիմիր Պուտինը Դոնալդ Թրամփի հետ նախորդ օրը տեղի ունեցած զրույցի ժամանակ արտահայտել է «ճգնաժամի վերջնական, արդարացի կարգավորման հասնելու իր ցանկությունը»։
«Այս առումով Մոսկվան Կիևին կառաջարկի աշխատել ապագա խաղաղության պայմանագրի վերաբերյալ հուշագրի վրա», — շարունակել է նա։
«Հակամարտության կարգավորման ուղղությամբ շարժվելիս հիմքը պետք է լինի այն գիտակցումը, որ անհնար է հասնել նպատակին՝ առանց արմատական պատճառները վերացնելու։ Մենք պետք է համաձայնության գանք բազմաթիվ մանրամասների շուրջ, ձևակերպենք կարգավորման սկզբունքները, ուրվագծենք խաղաղության համաձայնագրի կնքման ժամկետները, եթե ձեռք բերվեն համապատասխան պայմանավորվածություններ, գրանցենք որոշակի ժամանակահատվածի համար հրադադար, և այլ պարամետրեր», — ասել է Զախարովան։
Մոսկվան որպես հակամարտության «հիմնական պատճառներ» նշում է ՆԱՏՕ-ի դեպի արևելք ընդլայնումը, Ուկրաինայի՝ ՆԱՏՕ-ին և ԵՄ-ին միանալու ցանկությունը, ինչպես նաև Ուկրաինայում ձևավորված քաղաքական համակարգը։
