Գավառում կառուցվող նոր մարզասրահը բոլոր ցանկացողներին, հատկապես հաշմանդամություն ունեցողներին, զինհաշմանդամներին մարզվելու հնարավորություն կտա, իսկ այն կառուցողի մասին պատմությունը՝ երազելու մեծ մոտիվացիա։ Գևորգ Աֆրիկյանը, չնայած հաշմանդամությանը, փորձում է հաղթահարել հնարավոր բոլոր գագաթները․ բարձրանում է Արարատ լեռը, փորձում է հասնել օլիմպական բարձունքի։
«Սահմանափակում ունեցող մարդ գոյություն չունի։ Սահմանափակումը կարող է լինել նաև ամենակարող մարդու հոգեբանության մեջ։ Եթե ինչ-որ բան չուզենք անել, հարթ ասֆալտի վրա մեր դեմ շատ մեծ, անհաղթահարելի պատնեշներ ենք տեսնելու»,- ասում է Գևորգը, որը որոշել է հաղթել ու կառուցել։
