Դուբայը պաշտոնապես ճանաչվել է որպես անվտանգ, հարմար և աջակցող միջավայր աուտիզմ ունեցող այցելուների համար

Դուբայը պաշտոնապես ճանաչվել է որպես առաջին սերտիֆիկացված աուտիզմի ուղղությունը Արևելյան կիսագնդում՝ ընդգծելով քաղաքում տարվող համապարփակ ջանքերը՝ զբոսաշրջությունը դարձնելու առավել մատչելի և ընդգրկուն ինչպես բնակիչների, այնպես էլ այցելուների համար։

Այս ձեռքբերումն ամբողջապես համապատասխանում է Դուբայի տնտեսական օրակարգի՝ D33 ռազմավարական առաջնահերթություններին, որոնք ներառում են կարողությունների զարգացումը, սոցիալական ներառումը և կյանքի որակի բարձրացումը։ Այն նաև համահունչ է «Համայնքի տարի» նախաձեռնությանն Արաբական Միացյալ Էմիրություններում, որի նպատակն է ստեղծել ներառական տարածքներ՝ համագործակցությունը, պատկանելության զգացողությունն ու համատեղ փորձառությունները խթանելու համար։

Միջազգային հավաստագրման և շարունակական կրթության չափանիշների խորհուրդը (International Board of Credentialing and Continuing Education Standards , IBCCES), որը հայտնի է իր աուտիզմի և զգայական վերապատրաստումների փորձառությամբ, Դուբայի Էկոնոմիկայի և զբոսաշրջության դեպարտամենտի (DET) նախաձեռնությամբ շնորհել է Դուբային հավաստագրված աուտիզմի ուղղության կարգավիճակը։ Այս կարևոր ձեռքբերումն իրականացվել է հիմնական շահակիցների և գործընկերների համատեղ ջանքերով՝ նպատակ ունենալով բարելավել հասանելիությունը այցելուի փորձի բոլոր ոլորտներում՝ ավիացիոն համակարգից մինչև հյուրանոցներ, տեսարժան վայրեր և տրանսպորտ։ Կատարված հիմնական քայլերից են եղել աշխատակազմի համապարփակ վերապատրաստման ծրագրերը, տեսարժան վայրերում այցելուի աջակցման ընդլայնումը, ինչպես նաև զգայական ուղեցույցների և թաքնված հաշմանդամության ժապավենների ներդրումը՝ բոլորի համար ապահովելու հարթ և ընդգրկուն փորձառություն։ Բացի այդ, յուրաքանչյուր հավաստագրված վայրը տեղում անցել է գնահատում և ստացել է IBCCES-ի կողմից մշակված հատուկ զգայական ուղեցույցներ, որոնք այդ գործընթացի անբաժանելի մասն են։

Հավաստագրման ծրագրի շրջանակներում Դուբայի Տնտեսության և զբոսաշրջության դեպարտամենտը (DET) համագործակցել է Միջազգային հավաստագրման և շարունակական կրթության չափանիշների խորհրդի (IBCCES) հետ՝ քաղաքում զբոսաշրջային ոլորտում աշխատող անձնակազմի համար իրականացնելով աուտիզմի և զգայական իրազեկման համապարփակ վերապատրաստում։

Այս նախաձեռնության հիմքում կանգնած է «Դուբայի ճանապարհ» (Dubai Way) առցանց ուսուցման հարթակը, որը մշակվել է Դուբայի Տնտեսության և զբոսաշրջության դեպարտամենտի կազմում գործող Դուբայի Զբոսաշրջության քոլեջի (DCT) կողմից։ Դրա նպատակն է զինել աշխատակիցներին անհրաժեշտ հմտություններով և գիտելիքներով, որպեսզի նրանք կարողանան ապահովել առավել ընդգրկուն և հարմարեցված փորձառություն հատուկ կարիքներ ունեցող անձանց (People of Determination) համար։

Դուբայի Զբոսաշրջության քոլեջը (DCT) շարունակում է առաջարկել նաև իր «Ներառական սպասարկում» (Inclusive Service) ծրագիրը, որը ինքնուրույն սովորելու ձևաչափով հասանելի է Dubai Way առցանց հարթակում։ Այս դասընթացը ուսուցանում է մասնակիցներին, թե ինչպես լավագույնս սպասարկել և շփվել հատուկ կարիքներ ունեցող անձանց (People of Determination) հետ։

Վերապատրաստման բաժինները ներառում են իրական կյանքի պատմություններ, ինտերակտիվ սեսիաներ և տեսանյութեր՝ նպաստելով կարեկցանքի և ըմբռնման ձևավորմանը, միաժամանակ ընդգծելով բազմազանության դերն այցելուների հետ առօրյա շփումներում։

Գրեթե երկու տարուց ավելի ժամանակահատվածում Դուբայը հասել է հետևյալ կարևոր ձեռքբերումներին․

• Ավելի քան 70,000 անձ անցել է աուտիզմի և զգայական իրազեկման վերապատրաստում։
• Ավելի քան 300 հյուրանոց ընդգրկվել է վերապատրաստման և հավաստագրման գործընթացում՝ ապահովելով հարմարավետ և ընդգրկուն պայմաններ աուտիզմով և զգայական առանձնահատկություններով հյուրերի համար։
  • Ավելի քան 15 տեսարժան վայր ստացել է IBCCES-ի հավաստագրեր, ներառյալ ծովափերը և այգիները։

Դուբայի միջազգային օդանավակայանը (DXB), որը 2023 թվականի դեկտեմբերին դարձավ առաջին միջազգային օդանավակայանը, որը ստացավ Certified Autism Center կարգավիճակ, հայտարարել է իր ուսումնական ծրագրի ընդլայնման մասին՝ թաքնված հաշմանդամություն և աուտիզմ ունեցող մարդկանց աջակցելու համար։ Նախաձեռնության շրջանակներում օդանավակայանի էկոհամակարգի 45,000 աշխատակից, այդ թվում՝ գործընկերներ և շահագրգիռ կողմեր, կվերապատրաստվեն Դուբայի միջազգային օդանավակայանում (DXB) և Դուբայի համաշխարհային կենտրոնում՝ Ալ Մակտում միջազգային օդանավակայանում (DWC), աուտիզմով, զգայական զգայունությամբ և այլ թաքնված հաշմանդամություններով ճանապարհորդներին ավելի լավ աջակցելու համար։

Արդեն մի քանի տարի է, ինչ Emirates ավիաընկերությունը նպատակասլացորեն աշխատում է դառնալու Autism Certified Airline՝ պաշտոնական հավաստագրմամբ աշխարհում առաջին ավիաընկերության կարգավիճակ ստանալու ուղղությամբ: Նախաձեռնության շրջանակներում հավաստագրվել են գրանցման տարածքները, և ավելի քան 30,000 ցամաքային ծառայության աշխատակիցներ և բորտուղեկցորդուհիներ անցել են հատուկ ուսուցում՝ աուտիզմով ուղևորներին համապարփակ աջակցելու համար:

Թիմերի կողմից աջակցությունը, ովքեր կառավարում են քաղաքի առաջատար տեսարժան վայրերը և խորհրդանշական օբյեկտները, կարևոր դեր է խաղացել Certified Autism Destination կարգավիճակի ձեռքբերման գործում։ Նման աջակցության վառ օրինակներից մեկը Expo City Dubai-ն էր, որը 2024 թվականի դեկտեմբերին ստացավ Certified Autism Center կարգավիճակ ՝ այցելուների հետ աշխատող աշխատակիցների վերապատրաստման լայնածավալ ծրագիր իրականացնելուց հետո՝ աուտիզմով և զգայական զգայունությամբ մարդկանց արդյունավետ աջակցության թեմայով։

Ի աջակցություն ներառականության զարգացման նախաձեռնությունների Դուբայում բոլոր սերտիֆիկացված օբյեկտները ներկայացված են IBCCES Accessibility App բջջային հավելվածում, որը հասանելի է անվճար ներբեռնման համար: Հավելվածը օգնում է ճանապարհորդներին ստանալ արդիական տեղեկատվություն հավաստագրված ուղղությունների, զգայարանների համար հարմար վայրերի և անհատականացված առաջարկությունների վերաբերյալ։

Սերտիֆիկացված աուտիզմի ուղղություն նշանակում է, որ տվյալ քաղաքը կամ զբոսաշրջային վայրն միջազգային հաստատված չափանիշներով պատրաստ է ընդունել աուտիզմով անձանց՝ ապահովելով նրանց համար հարմարեցված միջավայր, աշխատակազմի հատուկ վերապատրաստում, մատչելիություն, զգայական ուղեցույցներ և աջակցող ծառայություններ։ Դուբայը պաշտոնապես ճանաչվել է որպես անվտանգ, հարմար և աջակցող միջավայր աուտիզմ ունեցող այցելուների համար։