Amazon-ը տիեզերք է ուղարկել ինտերնետային արբանյակների առաջին խումբը՝ որպես Kuiper նախագծի մաս։
Սրանով Amazon-ը դառնում է Իլոն Մասկի Starlink արբանյակային ինտերնետային համակարգի մրցակիցը։
United Launch Alliance (ULA) Atlas V հրթիռը տիեզերք է արձակվել Ֆլորիդայի Քանավերալի հրվանդանից ժամը երկուշաբթի Գրինվիչի ժամանակով 23:00-ին՝ ուղեծիր հանելով 27 արբանյակ։
Առաջիկա տարիներին Amazon-ը նախատեսում է Երկրի ցածր ուղեծիր ուղարկել 3236 արբանյակ, որոնք կտեղակայվեն 590, 610 և 630 կմ բարձրությունների վրա և կգործեն 12 ցամաքային կայանների հետ համատեղ, հայտնում է BBC-ին։
Համակարգը կապահովի լայնաշերտ ինտերնետ հասանելիություն մինչև 400 մեգաբիթ վայրկյան արագությամբ։
«Project Kuiper»-ը Amazon-ի ցածր ուղեծրային արբանյակային ցանցն է։ Նպատակն է հաղթահարել թվային խզումը եւ ապահովեք արագ, մատչելի, լայնաշերտ ինտերնետով ավանդական կապի տեխնոլոգիաներից զրկված կամ վատ հասանելիություն ունեցող ինտերնետ հանրությանը»,- իր ծրագրի մասին դեռ 2023-ին գրել էր Amazon-ը։
Արբանյակներն արձակելով Amazon-ը պաշտոնապես մրցավազքի մեջ մտավ ոչ միայն Starlink-ի, այլև մյուս արբանյակային ինտերնետ օպերատորների հետ։
SpaceX-ը իր արբանյակների առաջին խմբաքանակը արձակել էր 2019 թվականին, և այժմ ուղեծրում ունի ավելի քան 6750 արբանյակ, որոնք սպասարկում են ավելի քան 5 միլիոն մարդու։
