Երկրորդ սերնդի թղթադրամները շրջանառությունից դուրս կբերվեն

2026 թվականի ապրիլի 15-ից  շրջանառությունից դուրս կբերվեն երկրորդ սերնդի թղթադրամները, հայտնում են Կենտրոնական բանկից։

Դուրս բերվող թղթադրամներն են.

• 1999 թվականի թողարկման 500 դրամ (Ալեքսանդր Թամանյանի դիմապատկերով)
• 1999, 2001, 2011, 2015 թվականների թողարկման 1000 դրամ (Եղիշե Չարենցի դիմապատկերով)
• 1999, 2003, 2009, 2012  թվականների թողարկման 5000 դրամ (Հովհաննես Թումանյանի դիմապատկերով)
• 2003, 2006, 2008, 2012 թվականների թողարկման 10000 դրամ (Ավետիք Իսահակյանի դիմապատկերով)
• 1999, 2007, 2009, 2012 թվականների թողարկման 20000 դրամ (Մարտիրոս Սարյանի դիմապատկերով)

Կենտրոնական բանկը նշում է, որ մինչև 2026 թ. ապրիլի 15-ը նշված թղթադրամները կհամարվեն օրինական վճարամիջոց, իսկ 2026 թ. ապրիլի 15-ից հետո քաղաքացիներն իրենց մոտ մնացած բոլոր «հին» թողարկման թղթադրամներն, առանց սահմանափակումների, կարող են անվճար փոխանակել ՀՀ տարածքում գործող առևտրային բանկերում և Կենտրոնական բանկում: 

Այս թղթադրամները շրջանառությունից դուրս կբերվեն բնական մաշվածության պատճառով։

 Ըստ ԿԲ-ի` երկրորդ սերնդի թղթադրամներն արդեն ունենան դրամաշրջանառության համար ոչ պիտանի ֆիզիկական մաշվածություն: