Ադրբեջանական բանտում պահվող Արցախի նախկին արտգործանախարար Դավիթ Բաբայանը հեռախոսային ձայնագրության միջոցով ընտանիքին հայտնել է, որ ադրբեջանական լրատվամիջոցները Իվանյանի դեպքերի հետ կապված իր հայտարարությունները խեղաթյուրել են։
168.am- ը հրապարակել է այդ ձայնագրությունը, որտեղ Բաբայանը նշել է, որ 1992թ. Իվանյանի դեպքերի մասին «նրանք մեկնաբանել են մի ձև, ես ասել եմ լրիվ հակառակ բան»:
«Ես ասել եմ, որ այդ դեպքերի պատասխանատուն հենց այս՝ ադրբեջանական կողմն է, և դա եղել է ներիշխանական պայքարի արդյունք»,- շեշտել է նա։
Բաբայանը նշել է, որ երբեք չի ասել, թե «գոյություն ունի Իվանյանի ազատագրման համար պարգև: Դա նույնպես սխալ է ձևակերպված:
Իվանյանը Խոջալուի հայկական անվանումն է եւ Բաբայանը խոսում է այդ հայտնի ողբերգական իրադարձությունների մասին։
Միաժամանակ, նա նշել է, որ իրենց հետ ամեն ինչ նորմալ է։ «Շատ լավ են վերաբերվում, հատկապես՝ մեկուսարանում: Որևէ խնդիր չունենք: Մի անգամ նույնիսկ վատ խոսք չեն ասել, սուր հայացք չեն նետել մեր ուղղությամբ»,- ասված է ձայնագրության մեջ:
