Ուժեղ երկրաշարժ՝ Ստամբուլում

Այսօր Ստամբուլում տեղի է ունեցել 6,2 մագնիտուդով երկրաշարժ, հայտնում է Թուրքիայի արտակարգ իրավիճակների կանխման եւ հետեւանքների վերացման վարչությունը՝ AFAD- ը։

Ըստ Reuters-ի՝ սա 16 մլն.-անոց քաղաքում վերջին տարիների ամենաուժեղ երկրաշարժերից մեկն է։

Ավերածությունների մասին լուրեր չկան, մարդկանց տարհանում են շենքերից։

Երկրաշարժը գրանցվել է տեղական ժամանակով 12։49-ին (Գրինվիչով 09։49), էպիկենտրոնը Ստամբուլից 80 կմ արեւմուտք է, 6,92 կմ խորությամբ։

AFAD- ը Ստամբուլում արձանագրել է եւս երեք ցնցում։