«Ամազոն»-ի հիմնադիր Ջեֆ Բեզոսին պատկանող «Բլյու Օրիջին» ընկերությունը կազմակերպել է ամերիկացի հայտնի 6 կանանց «տիեզերական ճամփորդությունը»։ Սա Վալենտինա Տերեշկովայի 1963 թվականի թռիչքից հետո առաջին թռիչքն էր տիեզերք՝ միայն կանանցից բաղկացած անձնակազմով: Անձնակազմում փոփ աստղ Քեթի Փերին էր, Բեզոսի հարսնացուն՝ լրագրող Լորեն Սանչեսը: Տիեզերանավը լիովին ինքնավար էր և կառավարման կարիք չուներ:
Անձնակազմը տիեզերքում 10 րոպեից մի փոքր ավելի է անցկացրել։ Սա տիեզերական զբոսաշրջության առաջին քայլերից է։ «Բլյու Օրիջին» ընկերությունը չի բացահայտում, թե որքան է «տիեզերական» մեկ տոմսի արժեքը։ Հայտնի է, որ միայն նախնական ամրագրումը 150 հազար դոլար արժի։
