Հայաստանը բարձր է գնահատում վրացական կողմի ջանքերը և պատրաստ է հնարավոր գաղափարների քննարկմանը կառուցողական մոտեցմամբ, «Լուրերին» հայտնել է ԱԳՆ մամուլի խոսնակ Անի Բադալյանը՝ անդրադառնալով հայ-ադրբեջանական կարգավորմանն ուղղված վրացական կողմի առաջարկին:
«Վրացական կողմը պարբերաբար հանդես է գալիս համագործակցության եզրեր գտնելուն միտված գաղափարներով»,-«Լուրերին» ասել է ՀՀ ԱԳՆ մամուլի խոսնակը։
Ըստ նրա՝ Հայաստանը բարձր է գնահատում վրացական կողմի ջանքերը և պատրաստ է հնարավոր գաղափարների քննարկմանը կառուցողական մոտեցմամբ։
Պատասխանելով Լուրերի հարցին, թե ինչ նախաձեռնության մասին է հայտարարում Արդբեջանի նախագահ Իլհամ Ալիևը և Հայաստանի որ դիրքորոշման մասին է խոսքը՝ «Լուրերի» հարցին Բադայանը պատասխանել է․
«Կոնկրետ նախաձեռնությունների վերաբերյալ պայմանավորվածությունների առկայության պարագայում կտեղեկացնենք»։
Ադրբեջանի նախագահը հայտարարել էր, որ վրացի գործընկերները Երևանին և Բաքվին վստահության ձևավորմանն ուղղված մի քանի նախաձեռնություններ են առաջարկել, ինչին Ադրբեջանը դրական է արձագանքում և հայկական կողմի դիրքորոշմանն է սպասում։
Վրաստանի ԱԳ նախարար Մակա Բոճորիշվիլին էլ հայտարարել էհայտարարել էր, որ Հայաստանն ու Ադրբեջանը միշտ կարող են օգտագործել Վրաստանը իբրև երկխոսության հարթակ:
