Հասարակություն

Թբիլիսիի դպրոցների ռուսական բաժիններում մեծ թիվ են կազմում ազգությամբ հայ աշակերտները

Գիտա Էլիբեկյան
«Ռադիոլուր»-Թբիլիսի

Թբիլիսահայերն իրենց երխաներին հայկական դպրոց են տանում` այդպիսով պահպանելու հայկան դպրությունը այդ երկրում: Վրաստանի պետբյուջեից ֆինանսավորվող 129 հայկական դպրոցներում վիրահայ աշակերտների թիվը հասնում է  15 հազարի: Սակայն, դա քիչ է, կարծում են համայնքի գործիչները` կոչ անելով իրենց երեխաներին տանել հայկական դպրոցներ: 

Թբիլիսիիում գործող թիվ  104 դպրոցը մայրաքաղաքի միակ ամբողջովին հայկական դպրոցն է: Այս տարի 22 առաջին դասարանցի ունի:  Թբիլիսահայ Գայանե Բոստանջյանը այն ծնողներից է, ով երկընտրանքի առջև չի կանգնել. ինչպես ինքը, այնպես էլ երեխաները հայկական կրթություն  են ստանում. «Ես այսօր երջանիկ ու հպարտ եմ, որ իմ երեխան կանգնած է այս սակավաթիվ երեխաների շարքում և իր ներկայությամբ պահում է հայկական դպրությունը Թբիլիսիիում»:

Զրուցակիցս չի հասկանում այն ծնողներին հատկապես, ովքեր իրենց երեխաներին ռուսական դպրոցներ են տանում: Ի դեպ Թբիլիսիի դպրոցների ռուսական բաժիններում շարունակում են ազգությամբ հայ աշակերտները մեծ թիվ կազմել:

Մայրաքաղաքում այսօր գործում է երեք հայկական դպրոց, որոնցից միայն մեկը`104- ն է ամբողջությամբ  հայկական, իսկ  մյուս երկուսը՝ հայ-վրաց և հայ-վրաց-ռուսական բաժանմումքներով դպրոցներ են: Ցավոք այս տարի առաջին  դասարան չբացվեց նրանցից մեկում`  թիվ 132 (վրաց-ռուս-հայկական) դպրոցի հայկական բաժնում:

Սակայն հայ համայնքի գոծիչները ամեն ինչ անում են, որ ծնողներն  իրենց երեխաներին հայկական  դպրոցներ տանեն, որպեսզի դրանք եվս չփակվեն:  Վիրահայոց թեմին կից գործող «Հայարտուն» մշակութային կենտրոնը արդեն մի քանի տարի է  104-րդ հայկական դպրոց է ուղարկում իր նախակրթարանի սաներին. Կենտրոնի համակարգող Լևոն Չիդիյանի խոսքով.

«Նախակրթարանի նպատակը այն է, որ մեր երեխաները ուղղորդվեն հայական դպրոցներ:  Միայն այս տարի մեր նախակրթարանի ութ սաները դարձան 104-րդ  դպրոցի աշակերտներ: Անցյալ տարի 10»:

 

 

 

 

Back to top button