Հռոմի պապ Ֆրանցիսկոս Առաջինը 5 շաբաթվա բուժումից հետո այսօր դուրս է գրվել հիվանդանոցից։ Նա վերադարձել է Վատիկանի իր նստավայր։
88-ամյա Ֆրանցիսկոսը հիվանդանոց էր ընդունվել փետրվարի 14-ին ծանր շնչառական վարակով, որը երկարատև բուժում էր պահանջում:
Հիվանդանոցում գտնվելու ողջ ընթացքում Հռոմի Պապին տեսել են միայն մեկ անգամ՝ անցյալ շաբաթ Վատիկանի կողմից հրապարակված լուսանկարում, որտեղ պոնտիֆիկոսն աղոթում է հիվանդանոցի մատուռում:
Ֆրանցիսկոս I-ը Վատիկանում մոտեցել է պատուհանին և ողջունել այնտեղ հավաքաված հավատավոր ժողովրդին:
