ԱՄՆ Պաշտպանության նախարարությունը չի մեկնաբանում Հայաստան զինտեխնիկայի հնարավոր տեղափոխման մասին տեղեկատվությունը, հայտնում է «Արմենպրեսը»։
Լուրն ավելի վաղ հայտնել էր ռուսական RT- ն։
«ԱՄՆ-ն բարձր է գնահատում Հայաստանի հետ մեր հարաբերությունները։ Պաշտպանության նախարարությունը չի մեկնաբանում զինտեխնիկայի տեղաշարժերը՝ օպերացիոն անվտանգության նկատառումներից ելնելով»,- հայտնել են Պենտագոնից։
Հայաստանի պաշտպանության նախարարությունը պաշտոնապես դեռ չի արձագանքել։
Հայաստանի «Զառ» զորավարժարանում հայ-ամերիկյան հավանական զորավարժությունների համար, ըստ RT-ի, զինտեխնիկայի տեղափոխումը նախատեսված է հուլիսի 16-ից օգոստոսի 7-ը, իսկ Գերմանիա կվերադարձվի օգոստոսի 21-ից սեպտեմբերի 20-ը։
