Եվրախորհրդարանում տեղի է ունեցել «Ադրբեջանի կողմից հայ պատանդների, այդ թվում՝ Լեռնային Ղարաբաղի բարձրագույն քաղաքական ներկայացուցիչների անօրինական ձերբակալություններն ու կեղծ դատավարությունները» խորագրով քննարկում։
Ակնկալվում է, որ Եվրախորհրդարանը համապատասխան բանաձևի շուրջ քվեարկությունը կանցկացնի հինգշաբթի՝ մարտի 13-ին:
Ստորև ներկայացված է առաջարկով համատեղ բանաձևը․
Եվրախորհրդարանը,
– հաշվի առնելով Հայաստանի և Ադրբեջանի վերաբերյալ իր նախկին բանաձևերը,
– հաշվի առնելով իր Կանոնակարգի 150(5) և 136(4) կանոնները, նկատի ունենալով, որ Ադրբեջանում կալանավորված են 23 հայ պատանդներ, այդ թվում՝ Լեռնային Ղարաբաղի նախկին դե ֆակտո պաշտոնյաներ և ռազմագերիներ 2020 թվականի պատերազմի և դրան հաջորդած էթնիկ զտումների ժամանակ, քանի որ նրանք լուրջ մեղադրանքներով անցնում են կեղծ դատաական գործընթացներով, որոնք կարող են հանգեցնել անօրինական ցմահ ազատազրկման.
Բ. հաշվի առնելով, որ այս պատանդները ենթարկվում են անմարդկային և նվաստացուցիչ վերաբերմունքի, այդ թվում՝ արգելված հոգեակտիվ մեթոդների միջոցով, քանի որ նրանց իրավունքները չեն հարգվում՝ ներառյալ անկախ փաստաբանների և թարգմանիչների հասանելիությունը և բողոքարկելու, ընտանեկան տեսակցություններ ստանալու և առողջական նկատառումներով կասեցման հնարավորությունը, քանի որ դա Ադրբեջանի կողմից բանտարկյալների նկատմամբ վերաբերմունքի վերաբերյալ միջազգային պարտավորությունների համակարգված խախտում է.
Գ. քանի որ Ռուբեն Վարդանյանը հացադուլի մեջ է և նրա առողջական վիճակը կտրուկ վատանում է, քանի որ մյուս պատանդների առողջական վիճակը նույնպես տեսանելիորեն վատանում է.
1. Դատապարտում է հայ պատանդների անարդարացի կալանավորումը, պահանջում է նրանց անհապաղ և անվերապահ ազատ արձակել.
2. Խստորեն դատապարտում է շարունակվող կեղծ դատավարությունները և հայ պատանդների հիմնարար իրավունքների սիստեմատիկ խախտումները, կոչ է անում Ադրբեջանին լիովին հարգել նրանց արդար դատավարության իրավունքը և ունենալ միջազգային չափանիշներին համապատասխան բժիշկների հասանելիություն. ակնկալում է անկախ հետաքննություն նրանց նկատմամբ վատ վերաբերմունքի վերաբերյալ.
3. Խորը մտահոգություն է հայտնում Բաքվի իշխանությունների՝ ԿԽՄԿ-ի և ՄԱԿ-ի գործակալությունների գրասենյակները փակելու հրամանի առնչությամբ, որը խոչընդոտում է թե՛ հայ բանտարկյալների աջակցությանը, թե՛ մարդասիրական վերահսկողությանը, և կոչ է անում իշխանություններին վերանայել իրենց դիրքորոշումը.
4. Կոչ է անում Ադրբեջանում ԵՄ-ի և անդամ պետությունների դեսպանատներին հետևել դատավարություններին և կանոնավոր այցելել բոլոր հայ պատանդներին, կոչ է անում Մարդու իրավունքների հարցերով ԵՄ հատուկ ներկայացուցչին այցելել նրանց.
5. Կոչ է անում պատժամիջոցներ կիրառել Մարդու իրավունքների գլոբալ սանկցիաների ռեժիմի շրջանակներում Ադրբեջանի բոլոր առաջնորդների և պաշտոնյաների դեմ, որոնք խախտում են մարդու իրավունքները, մասնավորապես՝ դատախազներ և դատավորներ Ջամալ Ռամազանովի, Անար Ռզաևի և Զեյնալ Աղաևի նկատմամբ.
6. Կոչ է անում Միջազգային քրեական դատարանին հետաքննել Լեռնային Ղարաբաղի հայ բնակչության բռնի տեղահանման, հալածանքների և էթնիկ զտումների գործերը, կոչ է անում լիովին կատարել Արդարադատության միջազգային դատարանի կողմից արձակված բոլոր հրամանները՝ ներառյալ 2020 թվականի պատերազմի ժամանակ գերի ընկած բոլոր անձանց բռնությունից և մարմնական վնասվածքներից պաշտպանելու Ադրբեջանի պարտավորությունը.
7. Կրկնում է իր վճռական կոչը՝ կասեցնելու ներգետիկայի ոլորտում ռազմավարական գործընկերության մասին 2022 թվականի ԵՄ-Ադրբեջան փոխըմբռնման հուշագիրը, պնդում է, որ ԵՄ-ի և Ադրբեջանի միջև ապագա գործընկերության համաձայնագիրը պայմանավորված լինի բոլոր քաղբանտարկյալների ազատ արձակմամբ, երկրում մարդու իրավունքների իրավիճակի բարելավմամբ, անտեղի չհետաձգվի Ադրբեջանի կողմից Հայաստանի հետ խաղաղության համաձայնագրի ստորագրումը և Լեռնային Ղարաբաղի հայերի իրավունքների, ներառյալ վերադարձի իրավունքի նկատմամբ հարգանքը.
8. Հանձնարարում է իր նախագահին սույն բանաձևը փոխանցել Խորհրդին, Հանձնաժողովին, Բարձր ներկայացուցչին/Փոխնախագահին, անդամ պետություններին և Հայաստանի և Ադրբեջանի նախագահներին, կառավարություններին և խորհրդարաններին:
