Այս շաբաթ ՆԱՏՕ-ի գլխավոր քարտուղար Մարկ Ռյուտեն կմեկնի ԱՄՆ․ տեղեկությունը նախորդ շաբաթ հայտնել է ԱՄՆ նախագահի ազգային անվտանգության հարցերով խորհրդական Մայք Ուոլցը։ Մինչև վաշինգտոնյան բանակցությունները Մարկ Ռյուտեն՝ որպես երրորդ կողմ, կմասնակցի ԱՄՆ-ի և Ուկրաինայի պատվիրակությունների հերթական հանդիպմանը, որը տեղի կունենա Սաուդյան Արաբիայում։ Այս ընթացքում միջազգային լրատվամիջոցներն ու վերլուծաբանները փորձում են հասկանալ, թե ինչ է սպասում Հյուսիսատլանտյան դաշինքին, և արդյոք Վաշինգտոնը փակում է ՆԱՏՕ-ի էջը։
