ԱՄՆ եւ Իսրայելը մերժել են Գազայի վերականգնման Արաբական երկրների լիգայի առաջարկը։ Նրանք հայտարարել են, որ այդ առաջարկը հաշվի չի առնում անկլավում առկա իրողությունները եւ պաշտպանել են Թրամփի ծրագիրը, հայտնում է BBC-ին։
Ամերիկյան առաջարկը խոստանում է Գազան վերածել «մերձավորարեւելյան Ռիվիերայի»՝ այնտեղ բնակվող 2 մլն պաղեստինցիներին արաբական տարբեր երկրներում վերաբնակեցնելուց հետո։
Սպիտակ տունը հայտարարել է, որ նախագահ Թրամփը պնդում է Գազան «առանց ՀԱՄԱՍ-ի» վերականգնելու իր առաջարկը։
Իսրայելի արտգործնախարարությունն էլ հայտարարել է, որ արաբական առաջարկը հաշվի չի առնում Իսրայելի վրա ՀԱՄԱՍ-ի հարձակումից հետո ստեղծված իրողությունները։
ՀԱՄԱՍ-ն իր հերթին ողջունել է Արաբական լիգայի առաջարկը, ըստ որի խմբավորումը իշխանությունը պետք է զիջի անկախ փորձագետների ժամանակավոր կոմիտեին մինչեւ Պաղեստինի վարչակազմում բարեփոխումներ իրականացնելը։
