Ուկրաինայի նախագահ Վոլոդիմիր Զելենսկին կիրակի օրը հանդիպել է թագավոր Չարլզ III-ի հետ՝ Օվալաձև աշխատասենյակում Թրամփի հետ «բուռն» հանդիպումից երկու օր անց, գրում է The Hill-ը։
Հանդիպումը, որը տեղի է ունեցել Սանդրինգհեմ հաուսում, տեղի է ունեցել Եվրոպական գագաթնաժողովից առաջ, որը Մեծ Բրիտանիան հյուրընկալել էր՝ փորձելով աջակցել Ուկրաինայի նախագահին։
Թագավորական ընտանիքի էջը սոցիալական մեդիայի X հարթակում հրապարակել է թագավորի լուսանկարը Զելենսկու հետ՝ միմյանց ձեռք սեղմելով։
«Այսօր երեկոյան Նորին մեծություն թագավորն ընդունեց Ուկրաինայի նախագահին Սանդրինգհեմ հաուսում»,- ասվում է գրառման մեջ:
This evening, His Majesty The King received the President of Ukraine, @ZelenskyyUa, at Sandringham House. 🇺🇦 pic.twitter.com/mhGr7C0BN4
— The Royal Family (@RoyalFamily) March 2, 2025
Մեծ Բրիտանիայի վարչապետ Քիր Սթարմերը շաբաթ օրը հանդիպել է Զելենսկու հետ։ Սթարմերը խոստացել է անսասան աջակցություն Ուկրաինային՝ շեշտելով, որ Մեծ Բրիտանիան կկանգնի Ուկրաինայի կողքին այնքան ժամանակ, որքան դա պահանջվի:
Հանդիպումը տեղի է ունեցել ԱՄՆ-ի և Ուկրաինայի միջև հարաբերությունների ապագայի վերաբերյալ մտահոգությունների ֆոնին, այն բանից հետո, երբ Օվալաձև աշխատասենյակում Թրամփին և փոխնախագահ Վենսի հետ Զելենսկու հանդիպման ժամանակ վիճաբանություն ծավալվեց, որիին ամերիկացի առաջնորդները պատասխանեցին Զելենսկիին մեղադրելով երախտամոռության մեջ:
