Փարիզի Օլիմպիական խաղերի մասնակից, Եվրոպայի կրկնակի փոխչեմպիոն, աշխարհի գավաթակիր Վահագն Դավթյանը ոսկե մեդալ է նվաճել Գերմանիայի Կոտբուս քաղաքում անցկացվող սպորտային մարմնամարզության աշխարհի գավաթի խաղարկությունում:
Աշխարհի գավաթի խաղարկության առաջին փուլում օղակների վարժության եզրափակիչում նա վաստակել է 14.133 միավոր: Նույն վարժությունում Արթուր Ավետիսյանը 13.966 միավորով 4-րդն է:
Փետրվարի 23-ին հենացատկի վարժության եզրափակիչում մեդալի համար կպայքարի Օլիմպիական խաղերի արծաթե եւ բրոնզե մեդալակիր, աշխարհի չեմպիոն, Եվրոպայի կրկնակի չեմպիոն, աշխարհի կրկնակի գավաթակիր Արթուր Դավթյանը:
Աշխարհի գավաթի երկրորդ փուլն անցկացվելու է Բաքվում։ Հայաստանի թիմը չի մասնակցի:
