ԱՄՆ նախագահ Դոնալդ Թրամփը երեքշաբթի՝ փետրվարի 11-ին, արմատական իսլամիստական «ՀԱՄԱՍ» շարժումից պահանջել է մինչև շաբաթ օրը կեսօր ազատ արձակել բոլոր իսրայելցի պատանդներին։
«Եթե մինչև շաբաթ օրը ժամը 12:00-ը բոլոր պատանդները չվերադարձվեն, ես կարծում եմ, որ ժամանակն է չեղյալ համարել (հրադադարի համաձայնագիրը-Խմբ.) և թույլ տալ, որ դժոխք տիրի»,- ասել է Թրամփը:
Նախօրեին ՀԱՄԱՍ-ի ներկայացուցիչները հայտարարել էին, որ մտադիր են հետաձգել փետրվարի 15-ին նախատեսված պատանդների վերադարձը Իսրայել՝ վերջինիս կողմից հրադադարի պայմանները չկատարելու պատճառով։
Իսրայելի կողմից ենթադրյալ խախտումների ցանկը ներառում է՝ պաղեստինցիների վերադարձը Գազայի հատված հյուսիսային հատված կանխելը, վրանների, վառելիքի, դեղորայքի և փլատակների մաքրման սարքավորումների մուտքի արգելափակումը։
Իսրայելի պաշտպանության նախարար Իսրայել Կացը ՀԱՄԱՍ-ի որոշումն անվանել է կողմերի կողմից ավելի վաղ ձեռք բերված հրադադարի համաձայնագրի «ամբողջական խախտում» և Գազայի հատվածում Իսրայելի պաշտպանության ուժերը բերվել են լիարժեք մարտական պատրաստության:
