Վարչապետ Նիկոլ Փաշինյանը փետրվարի սկզբին ԱՄՆ այցը շատ կարևոր է համարում։ Վարչապետը ասուլիսի ժամանակ հայտնել է, որ խորհրդակցել է գործընկերների հետ և եկել եզրակացության, որ պետք է անպայման գնալ և մասնակցել միջոցառումներին:
Նա նշել է, որ ԱՄՆ նախագահի հետ հանդիպում նախատեսված չէ։
«ԱՄՆ նախագահի հետ հանդիպում նախատեսված չէ. այս պահին մենք ծրագրում նման կետ չունենք»,- ասել է նա։
Փետրվարի սկզբին նախատեսվում է Հայաստանի Հանրապետության վարչապետ Նիկոլ Փաշինյանի այցն ԱՄՆ:
Վարչապետը Վաշինգտոնում կմասնակցի Կրոնական ազատության 5-րդ ամենամյա միջազգային գագաթնաժողովին, ինչպես նաև «Ազգային աղոթքի նախաճաշին»:
Գագաթնաժողովին ՀՀ վարչապետը հանդես կգա ելույթով:
