Երևանի քաղաքային իշխանությունները որոշում են կայացրել փետրվարի 1-ից ներդնել ուղևորատոմսի նոր սակագին` 150 դրամ։ Երևանի քաղաքապետ Տիգրան Ավինյանը իր ֆեյսբուքյան էջում տեսանյութ է հրապարակել, որում տեղեկացնում է, որ այս սակագիրը կգործի ամբողջ 2025 թվականի ընթացքում։
Առաջարկվող մեկ ուղևորության համար սահմանված 150 դրամը ամեն տարի կարող է փոփոխվել առավելագույնը 10 դրամով և միայն շարունակվող բարեխումների պայմաններում:
«Որոշել ենք հունվար և փետրվար ամիսներին ձեռք բերված անսահմանափակ ուղևորությունների փաթեթների ժամկետները երկարացնել ևս մեկ ամսով»,-նշում է Ավինյանը։
Երևանի քաղաքապետարանը տրանսպորտից օգտվող քաղաքացիներին վճարման 6 փաթեթ է առաջարկել։
Տրանսպորտից զեղչով կամ անվճար կօգտվի ավելի քան 560 հազար մարդ։
- Մինչև 7 տարեկան երեխաները,
- Միակողմանի կամ երկկողմանի ծնողազուրկ երեխաներն ու ուսանողները,
- Առաջին կամ երկրորդ կարգի հաշմանդամություն ունեցողները,
- Մանկատների կամ ծերանոցների բնակիչները,
- ԽՍՀՄ հերոսները, Հայաստանի ազգային հերոսները Մարտական խաչ առաջին և երկրորդ աստիճանի շքանշաններով պարգևատրվածները,
- Բազմազավակ՝ 4 և ավելի երեխա ունեցող ծնողները։
- Արցախի կամ Հայաստանի Հանրապետության պաշտպանության համար զոհված կամ անհետ կորած զինծառայողների ծնողները։
