Անտառային հրդեհ է բռնկվել Օթայ լեռան վրա, որը Սան Դիեգոյի շրջանում է և մոտ է ԱՄՆ-Մեքսիկա սահմանին:
«Սահման 2» հրդեհի (անունը տվել են հրշեջները) բռնկման պատճառներն անհայտ են։ Օդից արված կադրերը ցույց են տալիս, որ թանձր ծուխ է բարձրանում, քանի որ լեռան վրա բազմաթիվ կետեր են այրվում:
Reuters-ը գրում է, որ հրդեհը տարածվել է շատ արագ՝ կլանելով 566 ակր տարածք։ Հրդեհաշիջման աշխատանքներ են իրականացվել։ Եղանակային ազգային ծառայությունը հայտնել է, որ տարածքում քամիների արագությունը ժամում մոտ 20 մղոն է:
Հունվարի 7-ին բռնկված խոշոր հրդեհների հետևանքով զոհվել է 28 մարդ, վնասվել կամ ավերվել է մոտ 16,000 շինություն: Ըստ Լոս Անջելեսի շրջանի պաշտոնյաների, ինչ-որ պահի 180,000 մարդ տարհանման հրաման է ստացել:
Նշվում է, որ անցած երկու շաբաթվա ընթացքում Հարավային Կալիֆորնիայում մի շարք ավելի փոքր անտառային հրդեհներ են մարվել:
