ԱՄՆ նորընտիր նախագահ Դոնալդ Թրամփը իր երդմնակալության նախօրեին ելույթ է ունեցել Վաշինգտոնի Capital One Arena-ում կայացած հանրահավաքում՝ խոստանալով ստորագրել մի շարք հրամաններ իր պաշտոնավարման առաջին օրը:
Թրամփն իր ելույթում ասել է, որ նոր վարչակազմը պատրաստվում է «Ամերիկան կրկին հզորացնել»:
«Վաղը կեսօրին կփակվի Ամերիկայի անկման չորս երկար տարիների վարագույրը, և մենք կսկսենք ամերիկյան հզորության և բարգավաճման, արժանապատվության և հպարտության նոր էջ»,- ասել է Թրամփը։
Նա նաև խոստացել է դադարեցնել անօրինական ներգաղթյալների «ներխուժումը» ԱՄՆ՝ խոստանալով երկուշաբթի օրը իր երդմնակալության ուղերձում նախանշել կոնկրետ միջոցառումներ:
Փորձագետները նշում են, որ միլիոնավոր անօրինական միգրանտներին արտաքսելու նրա խոստումը լուրջ լոգիստիկ մարտահրավերների կհանդիպի և կարող է արժենալ տասնյակ կամ հարյուրավոր միլիարդավոր դոլարներ, գրում է BBC-ին։
Թրամփն ասել է, որ ծրագրում է երկուշաբթի օրը ստորագրել մի շարք հրամաններ, որոնք «շատ կուրախացնեն» ամերիկացիներին:
«Ամեն ինչ կսկսվի վաղվանից։ «Վաղը ձեզ համար շատ զվարճալի կլինի հեռուստացույց դիտելը»,- խոստացել է Դոնալդ Թրամփը։
Ակնկալվում է, որ երկուշաբթի նա կստորագրի ավելի քան 200 փաստաթուղթ:
«Բայդենի վարչակազմի յուրաքանչյուր արմատական և հիմար հրաման կչեղարկվի իմ երդմնակալությունից մի քանի ժամվա ընթացքում»,- հավելել է Թրամփը։
Թրամփի երդմնակալությունը տեղի կունենա այսօր՝ հունվարի 20-ի, Երևանի ժամանակով 21․00-ին։
Ավելի վաղ Թրամփը հայտարարել է, որ սաստիկ ցրտերի պատճառով իր երդմնակալության արարողությունը տեղի կունենա Կապիտոլիումի շենքում։ Երկուշաբթի օրը սպասվում է մինչև -7 աստիճան ցուրտ և սաստիկ քամիներ։
Արարողությանն ընդառաջ Վաշինգտոնում ուժեղացվել է անվտանգությունը: Քաղաքի կենտրոնի մեծ մասը՝ Սպիտակ տան և Կոնգրեսի հարևանությամբ, փակ է տրանսպորտային միջոցների համար: Կապիտոլիումի բլուրը շրջափակված է, քաղաքացիներին մի քանի օր թույլ չի տրվելմուտք գործել տարածք։
