Արդեն 4-րդ օրն է՝ Միացյալ Նահանգների Կալիֆորնիա նահանգում շարունակվում են անտառային հրդեհները․ ուժեղ քամիների ու չոր եղանակի պատճառով հրդեհաշիջման աշխատանքներն ավելի են բարդանում, կրակը մեկուսացնել առայժմ չի հաջողվում։ Պատմության «ամենաավերիչ հրդեհ» անունը ստացած աղետն արդեն 10 մարդու կյանք է խլել, տեղահանվածների թիվը 200 հազարի է հասնում, ավելի քան 10 հազար տուն է մոխրացել, 13 հազար շինություն էլ վտանգի տակ է։ Փորձագետները նահանգին հասցված վնասը նախնական 60 միլիարդ դոլար են գնահատել։
