Ավստրիայի կանցլեր Կարլ Նեհամերը կոալիցիոն բանակցությունների ձախողումից հետո հայտարարել է, որ կհեռանա այդ պաշտոնից, ինչպես նաև կլքի Ավստրիայի Ժողովրդական կուսակցության ղեկավարի պաշտոնը:
«Ես կհեռանամ դաշնային կանցլերի և Ավստրիայի Ժողովրդական կուսակցության նախագահի պաշտոնից առաջիկա օրերին», — հայտարարել է Նեհամերը x -ի իր պաշտոնական էջում հրապարակված հաղորդագրության մեջ:
2024 թվականի սեպտեմբերի 29-ին Ավստրիայում տեղի ունեցան հերթական խորհրդարանական ընտրությունները, որոնցում հաղթեց Ավստրիական Ազատության կուսակցությունը՝ ձայների ռեկորդային 29,2%-ով։ Սակայն խորհրդարանական մյուս կուսակցությունները չցանկացան նրա հետ կոալիցիա կազմել։
Նոր կառավարության ձևավորման շուրջ բանակցություններ սկսվեցին 26,5% ձայներ ստացած Ավստրիայի ժողովրդական կուսակցության, Սոցիալ-դեմոկրատների՝ (21% ) և Նոր Ավստրիա — Լիբերալ ֆորում կուսակցության (9%) միջև։
Նոր Ավստրիա — Լիբերալ ֆորում կուսակցությունը հունվարի 3-ին հայտարարեց բանակցություններից դուրս գալու մասին:
Հաջորդ օրը Ավստրիայի Ժողովրդական կուսակցությունը դադարեցրեց բանակցությունները Սոցիալ-դեմոկրատների հետ՝ քննադատելով նրա մոտեցումը տնտեսական հարցերում։
