Թուրքիայի նախագահ Ռեջեփ Թայիպ Էրդողանն ասել է՝ հույս ունի, որ Սիրիայում անկայունությունը կավարտվի սիրիացի ժողովրդի պահանջներին համապատասխան։
«Մեր ամենամեծ ցանկությունն է, որ պահպանվեն Սիրիայի տարածքային ամբողջականությունը և ազգային միասնությունը, եւ 13 տարի շարունակվող անկայունությունը ավարտվի սիրիական ժողովրդի օրինական պահանջներին համահունչ փոխզիջումով»,- նշել է Էրդողանը։
Ելույթ ունենալով մամուլի ասուլիսում՝ Էրդողանը շեշտել է, որ Անկարան ուշադիր հետևում է հարևան Սիրիայում տեղի ունեցող իրադարձություններին և անհրաժեշտ միջոցներ է ձեռնարկում Թուրքիայի անվտանգությանը վնաս չհասցնելու համար։
Թարգմանությունը՝ Կարինե Ծատրյանի
